Qazaqstanda memlekettik qyzmet júıesi jetildiriledi - Joldaý
ASTANA. 30 qańtar. QazAqparat - Qazaqstan halqyna Joldaýynda Elbasy memlekettik qyzmet júıesin jetildirý jónindegi mindet qoıdy.
Atap aıtqanda, jańa basqarýshy elıtanyń negizin quraıtyn bilikti saıası tapty daıyndaý mindeti qoıyldy, - dep málim etti Elbasy Qazaqstan halqyna Joldaýynda, dep habarlaıdy pm.kz saıty.
«HHІ ǵasyr barǵan saıyn kúrdelenip bara jatqan búgingi zamanǵy memleketti basqarýǵa joǵary talaptar qoıady. Bizdiń mańyzdy mindetimiz - basqarýshylardyń bilikti saıası tabyn daıyndaý. Úkimetke, Prezıdent Ákimshiligine 2012 jyldyń alǵashqy jartyjyldyǵynyń sońyna deıin Prezıdenttik kadr jasaǵyna kandıdatýralar jóninde usynystar daıyndaýdy tapsyramyn», dedi el Prezıdenti óz Joldaýynda.
Arnaýly komıssııa kandıdatýralardy bilimi men kásibıligi, joǵary moraldyq sıpaty, bastamashyldyǵy men tapsyrylǵan ýchaskedegi jumysynyń tabystylyǵy ólshemderi boıynsha irikteıdi. Olar eldiń ekonomıkalyq damý serpindiligine baılastyrylǵan, bıznes-qurylymdarmen qaraılas jalaqy alatyn bolady. Olar Qazaqstandy HHІ ǵasyrda laıyqty túrde alǵa aparýǵa tıisti jańa basqarýshy elıtanyń negizin quraıtyn bolady.
