Qazaqstanda memlekettik kirister organy qyzmetkerlerine synyptyq shender engizilmek

NUR-SULTAN. QazAqparat – Qazaqstanda memlekettik kirister organy qyzmetkerlerine synyptyq shender engizý qajet. Mundaı usynysty búgin Úkimet otyrysynda QR Qarjy mınıstri Erulan Jamaýbaev jasady, dep habarlaıdy QazAqparat tilshisi.

«Sybaılas jemqorlyqqa qarsy is-qımyl agenttigi jáne «Adaldyq Alańy» jobalyq keńsesi memlekettik kirister organy qyzmetkerleriniń eńbekaqysynyń tómen bolýyna, áleýmettik qorǵalmaýyna jáne joǵary jaýapkershilikke baılanysty sybaılas jemqorlyqqa ushyraý qaýpi bar ekenin atap ótti», - dedi ol.

Onyń atap ótýinshe, mundaı jaǵdaı tájirıbeli qyzmetkerlerdiń ketýiniń jıileýine jáne alǵan bilimderi men daǵdylaryn basqa jerlerde qoldanýyna ákeledi.

«Osyǵan baılanysty bazalyq jalaqyǵa ústemaqynyń qosylýyn jáne biryńǵaı nysandy kıim-keshekti engize otyryp, synyptyq shenderdi engizý usynylady. Atalǵan sharalar kadrlardyń joǵary biliktiligi men sabaqtastyqty saqtaýǵa, sybaılas jemqorlyq deńgeıin tómendetýge, sondaı-aq memlekettik kirister organdarynyń mártebesin arttyrýǵa múmkindik beredi», - dedi Erulan Jamaýbaev.