Qazaqstanda memlekettik qaryz boıynsha qyzmet kórsetýge jyl saıyn 900 mlrd teńge bólinedi
NUR-SULTAN. QazAqparat – QR Ulttyq ekonomıka mınıstri Áset Erǵalıev Qazaqstannyń memlekettik qaryzy jóninde pikir bildirdi, dep habarlaıdy QazAqparat tilshisi.
«Memlekettik qaryzǵa baılanysty másele bizdiń erekshe baqylaýymyzda. Búginde memlekettik borysh deńgeıi JІÓ-ge qatysty shamamen 30%-dy quraıdy», - dedi spıker Ortalyq kommýnıkatsııalar qyzmetinde ótken baspasóz máslıhatynda.
Mınıstrdiń aıtýynsha, reıtıng agenttikteriniń úlken úshtigi Qazaqstannyń fıskaldyq-bıýdjettik saıasatynyń turaqtylyǵyna baǵa berip, memlekettik boryshtyń tómen deńgeıin atap ótken.
«Basqa eldermen, Eýroodaqpen salystyratyn bolsaq, olarda qaryz deńgeıi 80%-ǵa jýyq, EYDU elderinde ortasha alǵanda – 100%-ǵa jýyq», - deıdi Á. Erǵalıev.
Sonymen birge Á. Erǵalıev memlekettik qaryz boıynsha qyzmet kórsetý úshin jyl saıyn 900 mlrd teńge bólinedi.
