Qazaqstanda Memlekettik bilim jınaq júıesi engiziledi - QR BǴM
ASTANA. 10 qarasha. QazAqparat - Memlekettik bilim berý jınaq júıesi qarjy jınaqtaý arqyly bilim alýǵa qarjylaı qoldaý kórsetýdiń jańa qosymsha ádisi retinde halyqqa usynylyp otyr, dep habarlady Bilim jáne ǵylym mınıstrligi Pm.kz saıtynan.
Memlekettik bilim berý jınaq júıesi memlekettik bilim granttarymen jáne ekinshi deńgeıli bankter memlekettiń kepildigimen beretin bilim nesıelerimen qatar jumys isteıtin bolady.
Bul shara elimizdiń ár azamatyna óz balalaryn oqytýǵa qarjy jınaqtaý múmkindigin beredi. Bul jınaqtyń ústine memleket tarapynan syıaqy túrinde qarjy ústemelenip otyrady. Mektepti aıaqtaǵannan keıin túlek joǵary oqý ornyna túsý úshin atalǵan jınaqty bilim alýǵa jumsaı alady. Sondaı-aq eger jınaǵy bar bala keleshekte memlekettik grantqa túsip ketse, onyń qarjysy saqtalatyn bolady.
«Ata-ana (salýshy) balasynyń atyna (salymshy) ekinshi deńgeıdi bankte bilim jınaq salymyn (depozıt) ashady. Bastapqy salymnyń kólemin 3 AEK (2011 jyly - 4536 teńge) quraıdy. Odan keıingi jarnalardyń kólemi men merzimdiligin salýshynyń ózi anyqtaıdy»,- delingen vedomstvo habarlamasynda.
Vedomstvonyń habarlaýynsha, qazir Memlekettik bilim jınaq júıesiniń zańnamalyq bazasyn jasaý jumystary júrgizilip jatyr.
