Qazaqstanda memlekettik baǵdarlamamen salynǵan turǵyn úılerdiń baǵasy ósti
ASTANA. QazAqparat - Qazaqstanda «Qoljetimdi baspana-2020» memlekettik baǵdarlamasy turǵyn úıleriniń quny 2-3%-ǵa joǵarylady. Bul týraly QR Ulttyq ekonomıka mınıstrligi Qurylys, turǵyn úı-kommýnaldyq sharýashylyq jáne jer resýrstaryn basqarý isteri komıtetiniń tóraǵasy Marhabat Jaıymbetov málim etti.
«Qoljetimdi baspana» týraly aıtatyn bolsaq, 2-3%-ǵa qymbattaý bar. Basqa salalardy qarasaq, kerisinshe baǵa túsken. Biz qazir maýsym jáne qańtar aılaryndaǵy baǵalardy (qurylys materıaldary boıynsha) salystyrdyq, metall boıynsha azdap joǵarylaý baıqalady, al basqa materıaldardyń quny barlyq jerde túsip jatyr», - dedi Marhabat Jaıymbetov.
Onyń sózine qaraǵanda, mundaı axýal elimizde ekinshi márte qaıtalanyp otyr.
«Sizder bilesizder, 2007 - 2008 jyldardaǵy daǵdarysta osylaı bolǵan. Suranys azaıǵanda, xalyqtyń satyp alý deńgeıi tómendegende - materıaldar quny túsedi. Importtyq taýarlar boıynsha 30 paıyzdyq ósim tirkeldi. Biraq ol negizinen premıým, elıt sanatyndaǵy baspanaǵa qatysty. Biz úshinshi jáne tórtinshi sanattar boıynsha qoljetimdi baspana salamyz. Al birinshi jáne ekinshi sanattaǵy páterlerdiń baǵasy artty», - dep sózin túıindedi ol.
