Qazaqstanda memlekettik aýdıtorlardy daıyndaý júıesi qurylady
ASTANA. QazAqparat - Qazaqstanda memlekettik aýdıtorlardy daıyndaý júıesi qurylady. Bul týraly «KTK» telearnasynyń «Halyq qyzmetshisi» baǵdarlamasyna suhbat bergen Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Qozy-Kórpesh Jańbyrshın aıtty.
"Biz esep komıteti qyzmetkerleriniń sapaly quramyn ortalyq jáne jergilikti deńgeıde zerdeledik. Ókinishke oraı nətıjesinde bizde sertıfıkattalǵan memlekettik aýdıtorlardyń joq ekendigi belgili boldy. Men bul jaıynda Memleket basshysyna baıandaǵan bolatynmyn. Óz kezeginde Prezıdent memlekettik aýdıtorlardy daıyndaý júıesin qurý jumystaryn bastaýdy tapsyrdy. Bul jumystar qazir qolǵa alyndy. Zań ("Memlekettik aýdıt jáne qarjylyq baqylaý týraly") qabyldanǵan merzimge deıin memlekettik aýdıtorlardy daıyndaý júıesi qurylady" - dedi ol.
Onyń atap ótýinshe, esep komıtetiniń jumysy da damyǵan elderdegi uqsas uıymdarǵa səıkestendiriledi. Qazirgi ýaqytta normatıvtik quqyqtyq aktiler əzirlenýde.
