Qazaqstanda memlekettik arhıvter aqyly negizde kórsetetin qyzmetterdiń tizbesi naqtylandy
ASTANA. QazAqparat - QR Parlament Senatynyń depýtattary «QR keıbir zańnamalyq aktilerine arhıv isi máseleleri boıynsha ózgerister men tolyqtyrýlar engizý týraly» Zańyn eki oqylymda qabyldady, dep habarlaıdy QazAqparat tilshisi.
Parlament Senatynyń otyrysynda atalmysh zań jobasy týrasynda QR Mádenıet jáne sport mınıstri Arystanbek Muhamedıuly baıandama jasaǵan bolatyn.
«Qazaqstan Respýblıkasynyń keıbir zańnamalyq aktilerine arhıv isi máseleleri boıynsha ózgerister men tolyqtyrýlar engizý týraly» QR Zańynyń jobasy ázirlendi. Ózderińizge belgili, bul baǵyttaǵy zań 1998 jyly 22 jeltoqsanda qabyldanǵan bolatyn. Zań qabyldanǵan 20 jyldyń ishinde qoǵam jańa sıpat aldy. Ekonomıka basqa arnaǵa bet burdy. Tıisinshe jańa úrdister paıda boldy. Bul rette osy jyldar aralyǵynda zańǵa aıtarlyqtaı aýqymdy ózgerister men tolyqtyrýlar engizilmegen. Osyǵan oraı, qoldanystaǵy zańnyń normalaryn zaman talabyna saı sáıkestendirý qajettiligi týyndady», - dedi mınıstr.
Onyń aıtýynsha, QR Parlament Májilisi depýtattarynyń bastamasymen QR Bıýdjet kodeksiniń 70-shi babyna memlekettik arhıvterge aqyly qyzmetti kórsetýden túsken qarajatty basqarý quqyǵyn beretin norma engizilgen.
«Ulttyq arhıv qory men arhıvter týraly Qazaqstan Respýblıkasynyń zańynda birinshiden uǵymdyq apparat keńeıtildi. Mysaly, arhıv, arhıvti qujat, arhıv isi sııaqty uǵymdar naqtylanady. Ulttyq arhıv qory qujattaryn memlekettik esepke alý, ulttyq arhıv qory qujatyn basqarýdy qamtamasyz etý, asa qundy qujat, qujattardy tártipke keltirý degen uǵymdar aınalymǵa engizildi. Ekinshiden, memlekettik arhıvter aqyly negizde kórsetetin qyzmetterdiń tizbesi naqtylandy. Bular - atap aıtqanda, jeke jáne zańdy tulǵalardyń tapsyrystary boıynsha geneologııalyq jáne taqyryptyq sıpattardaǵy aqparattardy anyqtaý, arhıv qujattaryn restavratsııalaý, konvertatsııalaý, túpteý jáne basqa da suraý salýlardy oryndaý. Úshinshiden, dástúrli jáne elektrondyq qujattardy rásimdeý, basqarý jáne saqtaý boıynsha talaptardyń vedeomtvoaralyq sıpatyn eskere otyryp, biriktirilgen normatıvtik quqyq aktilerin bekitý quziretin Úkimet deńgeıinde qaldyraý usynylady», - dedi Arystanbek Muhamedıuly.
Mınıstr atap ótkendeı, elektrondyq qujat jáne elektrondyq tsıfrlyq qoltańba týraly QR zańyn túzetý arqyly elektrondyq qujat aınalymy men elektrondyq arhıv máseleleri boıynsha ýákiletti jergilikti atqarýshy organdardyń quziretin keńeıtý qarastyrylǵan.
Foto: sheksnainfo.ru
