Qazaqstanda memleket ómirinde azamattyq qoǵamnyń qatysýyn keńeıtýge ekpin qoıylady
Bul týraly beıbitshilik pen qaýipsizdik máselesinde áıelderdiń róli taqyrybyna arnalǵan dóńgelek ústel otyrysynda QR Aqparat jáne qoǵamdyq damý vıtse-mınıstri Aleksandr Danılov aıtty, dep habarlaıdy QazAqparat tilshisi.
«Bizge azamattyq qoǵamnyń qatysýyn keńeıte túsý kerek. Genderlik saıasat – ol bizdiń basymdyq beretin baǵyttyń biri. Osy oraıda bizdi barlyq osy tektes bastamalarǵa tartýǵa shaqyramyn. Sizderdi birlese jumys isteýge shaqyramyz. Bizdiń aldymyzda jalpy qoǵamdaǵy jaǵdaıdy jaqsartý maqsaty tur. Sondyqtan bul jaýapkershiligi mol mindet barshamyzǵa ortaq», - dedi A. Danılov Syrtqy ister mınıstrligindegi jıynda.
Osy oraıda ol atalǵan baǵytta óńirlerdegi jumystardy kúsheıtý mańyzdy ekenin atap ótti.
«Bul máselede óńirlerdegi jumystardy nyǵaıtpaqpyz. Barlyq jerde bul taqyrypta áıelderdiń bilimi men habardarlyǵyn kóterýmen qatar, erlerdiń de bilimin shyńdaýǵa ekpin qoıý kerek. Biz josparlardy, kelisimderdi, qararlardy iske qosýda, sondaı-aq nátıjelerge qol jetkizýde kómektesetin bolamyz», - dedi vıtse-mınıstr.
Budan buryn habarlanǵandaı, A.Balaeva Qazaqstanda qyzmettiń barlyq salasynda áıelderdiń jumysyn ilgeriletý turǵysynda tabysty kórsetkishterge qol jetkizilgenin aıtty.
