Qazaqstanda memleket qatysatyn kompanııalarda basshy áıelder úlesi 30% deıin artady
Onyń aıtýynsha, «Qazaqstandyq otbasylar-2020», «QR-daǵy otbasylyq-turmystyq zorlyq-zombylyqqa qarsy is-qımyl týraly», «QR-daǵy balalardyń jaǵdaıy týraly» jáne basqa da áleýmettik, saraptamalyq zertteýlerdi, otbasy ómirine pandemııanyń áserin eskerip, statıstıkalyq jáne taldamalyq aqparatty jańartý kózdelgen.
«2030 jylǵa deıingi otbasylyq jáne genderlik saıasat tujyrymdamasy eki negizgi baǵytty qamtıdy. Otbasy saıasaty boıynsha negizgi basymdyqtar: Otbasy qundylyqtary men dástúrlerin, urpaqtar sabaqtastyǵynyń saqtalýyn balabaqshalar men mektepterde otbasylyq tárbıe boıynsha oqytý baǵdarlamalary arqyly nasıhattaý jumystary kúsheıtiledi; Otbasyn qoldaý, otbasy daýlaryn sheshý men balaly áıelderge ýaqytsha turatyn ortalyqtardy qurýǵa josparlanǵan. Ortalyqtar qyzmetiniń erejesi, memlekettik organdardyń ózara is-qımyl algorıtmi ázirlenedi. Qazaqstandaǵy otbasylardyń jaǵdaıyna jan-jaqty zertteý júrgizý maqsatynda otbasylyq saıasat problemalaryn zerdeleý jalǵasady», - dedi Sh. Baımanov Aqparat jáne qoǵamdyq damý salasyndaǵy Qoǵamdyq keńes otyrysynda.
Sonymen birge Memleket basshysy óz Joldaýynda qoǵamda áıelderdi ekonomıkalyq jáne saıası qoldaýdy qamtamasyz etýge nazar aýdarǵan edi. Osyǵan baılanysty genderlik saıasat salasy boıynsha kelesi basym baǵyttardy aıqyndaý josparlanýda.
«Birinshiden, memleket qatysatyn kompanııalardyń basshy organdaryndaǵy áıelder úlesin 30%-ǵa deıin arttyrý máselesi qosymsha pysyqtalady. Ekinshiden, genderlik bıýdjetteýdi engizý jumystary jalǵasady. Úshinshiden, BUU Áıelderge qatysty kemsitýshilikti joıý komıtetiniń áıelderge qatysty kemsitýshiliktiń barlyq nysandaryn joıý týraly konventsııany oryndaý jónindegi Qazaqstannyń besinshi merzimdi baıandamasy boıynsha usynystary eskeriledi. Tórtinshiden, Tujyrymdamanyń maqsattary men ındıkatorlaryn 2030 jylǵa deıingi Ornyqty damý salasyndaǵy maqsattarmen jáne kún tártibiniń ındıkatorlarymen úılestirý usynylady», - dedi Sh. Baımanov.
Besinshiden, Genderlik jáne otbasylyq saıasatty tıimdi iske asyrý úshin bıýdjettiń turaqty bólinýin jáne ulttyq, óńirlik, jergilikti jáne salalyq deńgeılerde genderlik máseleler boıynsha quzyretti mamandar men zańgerler daıarlaýdy kózdelmek. Altynshydan, óńirler, qalalar jáne aýdandar bólinisinde jumyspen qamtý, bazalyq áleýmettik kórsetiletin qyzmetterge, memlekettik qoldaýdyń túrli sharalaryna qol jetkizý bóliginde genderlik muqtajdyqtar men qajettilikter kartasyn ázirleý josparlanǵan.
«Tujyrymdamany ózektendirýdiń negizgi maqsaty qazirgi qoǵamdaǵy ózekti máselerdi eskerip, otbasy ınstıtýtyn nyǵaıtýǵa, otbasy qundylyqtaryn dáripteýge, ajyrasý men otbasylyq-turmystyq saladaǵy quqyqbuzýshylyqtardy azaıtýǵa, kópbalaly otbasylardyń problemalyq máselelerin júıeli sheshýge jáne áıelderdiń qoǵamdaǵy ekonomıkalyq jáne saıası ustanymdaryn keńeıtýge baǵyttalady. Qazirgi tańda tujyrymdamany ózektendirý boıynsha jumys toby qurylyp jatyr. Jumys toby quramyna Parlament depýtattary, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, sarapshylar, úkimettik emes, halyqaralyq uıymdardyń jáne múddeli memlekettik organdardyń ókilderi kirdi. Sonymen qatar, halyqaralyq uıymdar da, onyń ishinde «BUU-áıelder» qurylymy, ıÝNISEF, ıÝNFPA genderlik saıasat baǵyty boıynsha usynystaryn bildirdi», - dep túsindedi Sh. Baımanov.
Buǵan deıin Shahmardan Baımanov Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasynyń aralyq nátıjelerin aıtyp bergen edi.
