Qazaqstanda mektepterge sanıtarlyq talaptar kúsheıtilmek

NUR-SULTAN. QazAqparat – Qazaqstanda mektepterge sanıtarlyq talaptar kúsheıtilmek. Bul týraly QR Densaýlyq saqtaý vıtse-mınıstri Ajar Ǵınııat aıtty, dep habarlaıdy QazAqparat tilshisi.

«Qazir Bas sanıtarlyq dárigerdiń qaýly jobasy ázirlenip jatyr. Sol jobaǵa baılanysty eger synypta bir bala koronavırýs ınfektsııasymen aýyrsa, onda barlyq synyp baılanysta bolǵandyqtan karantınge ketedi. Jáne de osy balalardyń jappaı aýyryp qalýyna jol bermeý úshin atalǵan qaýlyda mektepterge sanıtarlyq talaptar kúsheıtiletin bolady. Bul qazirgi ýaqytta qaýly jobasy ǵana. Sondyqtan alǵa ozbaı-aq qoıaıyn. Qaýly qabyldanǵannan keıin halyqqa jetkiziledi», - dedi Ajar Ǵınııat Ortalyq kommýnıkatsııalar qyzmetindegi baspasóz máslıhaty barysynda,

Buǵan deıin vıtse mınıstr elimizde 354 mekteptiń sanıtarlyq-epıdemıologııalyq talapqa saı emestigin aıtqan bolatyn.