Qazaqstanda mektepterdi qarjylandyrý tártibi ózgeredi
ALMATY. QazAqparat - 2020 jyldan bastap Qazaqstannyń barlyq mektepterinde jan basyna shaqqandaǵy qarjylandyrý júıesi engiziledi. Bul týraly Almatyda ótken arnaıy jıyn barysynda aıtyldy, dep habarlaıdy QazAqparat tilshisi.
Búginde Almaty men Astana qalalarynda 5 memlekettik mektep osyndaı qarjylandyrý túrine kóshken.
Atalǵan mektepterge qarjy bala sanyna qaraı beriledi. 2020 jyldan bastap elimizdegi barlyq mektepke qarjy bala sanyna qaraı beriletin bolady.
Sonymen qatar, qarjy jekemenshik mektepterge de qarastyrylady.
«Pılottyq joba kórsetkendeı, mektepterde qarjy jetispeýshiligi joq ekendigi belgili boldy. Bizdiń esebimizshe, mektepterdi qarjylandyrý kólemi 13%-ǵa artady. Memleket basshysynyń qoldaýymen 2020 jyldan bastap respýblıka boıynsha mektepterdi qarjylandyrýǵa qosymsha 80 mlrd teńge bólinedi», - dedi QR Bilim jáne ǵylym vıtse-mınıstr Bıbigúl Asylova.
Jan basyna shaqqandaǵy qarjylandyrý kólemi mekteptiń menshik formasyna, bilim berý baǵdarlamasynyń ereksheligine baılanysty bolmaq.
Bazalyq memlekettik bilim berý standartynyń quny 1 balaǵa - 224 704 teńge, kommýnaldyq shyǵyndar men ınternet tólemine -10 823 teńge, yntalandyrý shyǵyndaryna 231 000 teńge bólinedi.
«Memlekettik standart boıynsha qarjyny memlekettik mekeme nysanyndaǵy mektepter alady. Olardyń kommýnaldyq shyǵyndary jergilikti bıýdjetten tólenedi. Respýblıkalyq bıýdjetten muǵalimderdiń jalaqysy, yntalandyrý qory, oqytý, bilim berý shyǵyndary, aǵymdaǵy jóndeý jumystary qarjylandyrylmaq. Ekinshi qarjylandyrý túrin memlekettik mekemeden sharýashylyq júrgizý quqyǵyna kóshken mektepter alatyn bolady. ıAǵnı, olardyń kommýnaldyq shyǵyndary jan basyna shaqqandaǵy qarjylandyrý boıynsha tólenetin bolady. Yntalandyrý tólemi jańadan ashylǵan jekemenshik mektepter qurylysyna jumsalǵan qarjyny aqtaý úshin 8 jyl boıy tólenetin bolady»,- dedi vıtse-mınıstr.
Onyń aıtýynsha, qarjylandyrýdyń jańa modeli mektepterdegi aqsha jınaý problemasyn sheshýge yqpal tıgizbek.
Sonymen qatar, yntalandyrý qarjysy kásipkerlerdi bıznes jasaýǵa ıtermeleıdi.
Jekemenshik mektepterdegi jan basyna shaqqandaǵy qarjylandyrýdyń júıesi pılottyq joba retinde 2018 jyldyń qyrkúıeginen bastap Astana, 2019 jyldyń 1 qańtarynan bastap Almaty mektepterine ishinara engiziletin bolady.
«Búginde bizde mektepterde oqýshylarǵa oryn tapshy. Apatty jaǵdaıdy jumys istep jatqan mektepter bar. Bul joba birinshiden, Almaty men Astana qalalarynda mektepterdiń jobalyq qýattylyǵyn 3 myńǵa deıin arttyrýǵa múmkindik bermek. Endigi talap boıynsha mektep ashýǵa birqatar talaptar jeńildetildi. Mektepte sport zal bolýy shart emes. Jaqyn arada sport kesheni bolsa jetkilikti. Mektepterde medpýnkttiń de bolýyna talap qoıylmaıdy. Medıtsınalyq mekememen kelisimshart bolsa jetkilikti»,- dedi Bıbigúl Asylova.
