Qazaqstanda mektepterdi qarjylandyrý oqýshy deńgeıine qaraı esepteledi
ASTANA. KAZINFORM - Qazaqstanda memlekettik jáne jekemenshik mektepterdi qarjylandyrý birtutas jan basyna shaqqan normatıvtik júıe boıynsha júzege asyrylady.
Bul júıe memlekettik bilim berý tapsyrysy aıasynda jumys isteıtin barlyq mektepterge qoldanylady.
Ár oqýshyǵa bólinetin qarjy jeke esepteledi.
Qarjylandyrý tártibi Qazaqstan Respýblıkasy Oqý-aǵartý mınıstrligi bekitken 2017 jylǵy №597 buıryqqa sáıkes aıqyndalady.
Normatıvti esepteý kezinde birneshe negizgi faktor eskeriledi.
Eń aldymen, oqýshynyń bilim deńgeıi nazarǵa alynady: bastaýysh, negizgi orta jáne jalpy orta bilim.
Sonymen qatar erekshe bilim berý qajettiligi bar balalarǵa qosymsha koeffıtsıentter qarastyrylǵan.
Mundaı oqýshylar ınklıýzıvti ortada, túzetý synyptarynda nemese úıde oqýy múmkin.
Qarjylandyrý kólemine mekteptiń ornalasqan jeri de áser etedi.
Aýyldyq jerlerdegi, ekologııalyq qolaısyz aımaqtardaǵy jáne radıatsııalyq qaýip aımaqtaryndaǵy mektepterge jeke koeffıtsıentter qoldanylady.
Mınıstrlik málimetinshe, bul tásil bıýdjet qarajatyn tıimdi bólýge múmkindik beredi.
Qarjy naqty qajettilikke qaraı baǵyttalady.
ıAǵnı qarajat júıe boıynsha birkelki bólinbeı, suranys bar jerge kóbirek beriledi.
Mamandar bul tásildi bilim berý salasyndaǵy zamanaýı qarjylandyrýdyń negizgi qaǵıdalarynyń biri dep sanaıdy.
Sońǵy jyldary memlekettik bilim berý tapsyrysy aıasynda jekemenshik mektepterdi qarjylandyrý kólemi aıtarlyqtaı artqan.
Bul oqýshy oryndarynyń tapshylyǵyn azaıtý jáne orta bilimge qoljetimdilikti keńeıtý maqsatymen baılanysty.
Osyǵan deıin oqýshylar arasynda bilim monıtorıngi ótkiziletini týraly jazdyq.
