Qazaqstanda mektepke deıingi uıymdar 9 myńnan asty - QR BǴM basshysy
ASTANA. QazAqparat - Búginde Qazaqstandaǵy 9148 mektepke deıingi uıymdarda 700 myńnan astam bala tárbıelenýde. Bul týraly búgin bilim qyzmetkerleriniń respýblıkalyq Tamyz keńesinde QR Bilim jáne ǵylym mınıstri Aslan Sárinjipov málim etti..
«Ótken jyly mektepke deıingi uıymdardyń sany 1990 jyldaǵy rekordtyq kólemnen asyp tústi. Ol kezde elimizde 8881 uıym bolǵan edi. Bıylǵy jyly biz bul belesten asyp túsip, olardyń sany 9148-ge jetti. Búginde bul uıymdarda 700 myńnan astam (709,4 myń) bala tálim alýda», - dedi mınıstr.
Onyń sózine qaraǵanda, ótken jyly mektepke deıingi uıymdardyń jelisi 384-ke artty.
«Alaıda bul ósimniń negizgi úlesi shaǵyn-ortalyqtardyń ashylýymen qamtamasyz etildi. Olar ázirge mektepke deıingi bilimniń barlyq maqsattaryn sheshpeı otyr», - dep toqtaldy vedomstvo basshysy.
3-6 jas aralyǵyndaǵy balalardy balabaqshamen qamtý kólemi búginde 73 paıyzdy qurap otyr. «Bul jaman kórsetkish emes. Osy oraıda mektepke deıingi bilimmen qamtý kólemi boıynsha Qazaqstan Avstralııa, Kanada, Frantsııa, Polsha, Shveıtsarııa jáne Túrkııa sekildi memlekettermen bir deńgeıde tur», - dep túıdi ol.
