Qazaqstanda mektep oqýshylary mobıldik telefon arqyly «Kim aqyldyraq?» týrnırin oınady
ASTANA. QazAqparat - Astanada «Kim aqyldyraq?» onlaın-týrnıriniń jeńimpazyn marapattaý rásimi ótti, dep habarlady «QazAqparat» HAA tilshisi.
Joǵary synyptardan 1500-den astam oqýshy uıaly telefon arqyly Internette saıysqa tústi. Mektep oqýshylary sport, XX ǵasyr, óner, Qazaqstan tarıhy, Qazaqstan tabıǵaty, densaýlyq, ǵylym sııaqty taqyryptarda eń aqyldy ataǵy úshin baq synasty. Oıyn 20 myń suraqtan turdy. Astanada fınalǵa 10 oıynshy qatysty: beseýi qazaq tilinde, beseýi orys tilinde.
Qazaq tildi oqýshylar arasynda birinshi oryndy Shymkent qalasmyndaǵy Nazarbaev zııatkerlik mektebiniń oqýshysy Aqjol Ernur, 2 oryndy Aqtóbe oblysy Temir aýdany Keńqııa orta mektebinen Ernaz Baıbaqty, 3 oryndy Shymkent Nazarbaev zııatkerlik mektebinen Elaman Lesov ıelendi.
Ortys tildiler arasynda 1 oryndy Pavlodar oblysy Aqsý aýdany №14 mektebinen Danıl Korchagın, 2 oryndy Semeı bilim berý-ınnovatsııalyq lıtseıinen Qaıdar Keńesbaev, 3 oryndy Pavlodar oblysy №14 mektebinen Ilıa Karepov ıelendi. Jeńimpazdar men júldegerler noýtbýkter, planshetter, smartfondar aldy.
