Qazaqstanda mektep oqýlyqtaryn kim jazady

ASTANA. QazAqparat - Oqý-aǵartý mınıstrliginiń málimetinshe, elimizde oqýlyq ázirleý jáne basyp shyǵarý jumysy básekeli ortaǵa berilgen. Osyǵan sáıkes qazirgi ýaqytta oqý ádebıetterin avtorlyq ujymy qalyptasqan baspa úıleri ázirleıdi, dep habarlaıdy QazAqparat.

Daıyn oqý ádebıetteri QR Oqý-aǵartý mınıstrligi respýblıkalyq ǵylymı-praktıkalyq bilim mazmunyn saraptaý ortalyǵynan memlekettik saraptamadan, barlyq kezeńinen ótken oqýlyqtar ǵana maquldanady.

Avtorlar tobyn baspa úıleri kásibı bilimi, biliktiligi men bilim berý uıymdaryndaǵy jumys tájirıbesi bar, oqýlyqtardy ázirleý boıynsha oqytý kýrstarynan ótken tulǵalar arasynan jasaqtaıdy.

Mektep oqýlyǵy avtorlarynyń quramynda mindetti túrde keminde 1 ǵalym jáne 2 praktık-muǵalim bolýy tıis.

Avtorlar oqý ádebıetin jalpyǵa mindetti bilim berý standarty jáne tıisti pánderge arnalǵan úlgilik oqý baǵdarlamalary negizinde jazady.