Qazaqstanda mektep máseleleri boıynsha jedel jeli iske qosyldy

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti ata-analarǵa arnalǵan jedel jelini iske qosty, dep habarlaıdy QazAqparat tilshisi.

Bul týraly komıtet tóraǵasynyń orynbasary, QR Bas memlekettik sanıtary Jandarbek Bekshın málimdedi.

«Ata-analarǵa arnalǵan [phone] jedel jelisi oqý jylynyń birinshi toqsanynda jumys isteıdi. Onda ata-ana mekteptiń jaryǵy, aýyz sýmen qamtylýy, sanıtarlyq-tehnıkalyq jabdyqtalýy (qoljýǵysh pen ýnıtaz), balanyń boıyna sáıkes partaǵa ornalasýy máseleleri boıynsha habarlasa alady. Telefon tańǵy 9-dan keshki 18.00-ge deıin qoljetimdi», - dedi J. Bekshın Ortalyq kommýnıkatsııalar qyzmetinde ótken baspasóz máslıhatynda.

Sonymen birge, jańa oqý jylyna daıyndalmaǵan, apatty jaǵdaıdaǵy, dárethanasy men ashanasy jóndelmegen mektepter jóninde de kórsetilgen jedel jelige habarlasýǵa bolady.

Aıta keteıik, buǵan deıin Jandarbek Bekshın mektep formasy men sómke tańdaý boıynsha keńes bergen bolatyn.