Qazaqstanda mektep formasynyń ulttyq standarty bekitildi

ASTANA. QazAqparat -  Aǵymdaǵy jyldyń sońyna deıin elimizde 3 jeńil ónerkásip kásiporny iske qosylady.  Bul týraly búgin QR Investıtsııalar jáne damý mınıstrligi Indýstrııalyq damý jáne ónerkásiptik qaýipsizdik komıtetiniń tóraǵasy Almas Batanov aıtty, dep habarlaıdy QazAqparat tilshisi.

«Jeńil ónerkásipte de jaǵymdy dınamıka baıqalyp, ósim 1,5 paıyzdy qurady.  «Ýnıversal» JShS polıpropılen ónimderin óndirý kólemin 50 paıyzǵa arttyryp, Reseı men Qyrǵyzstanǵa ónim jetkize bastady. «AGF grýpp» fabrıkasy qazirgi ýaqytta IKEA halyqaralyq brendi úshin toqyma ónimderin óndirýde. Sonyń esebinen tósek jaımalaryn óndirý kólemi eki jarym esege artty», - dedi ol.

Komıtet basshysynyń dereginshe, Reseı, Qyrǵyzstan, Tájikstan, Germanııa sııaqty elderge «Bal Tekstıl» kilem fabrıkasynyń kilemderiniń eksporty 43 paıyǵa ósti.

«Odan ózge, balalarǵa arnalǵan buıymdardyń sapasy men qaýipsizdigin arttyrý maqsatynda orta bilim berý uıymdaryna arnalǵan mektep formasynyń ulttyq standarty ázirlenip, bekitildi. «Ońtústik» arnaıy ekonomıkalyq aımaǵynyń aýmaǵynda osy jyldyń shilde aıynda súlgiler men monsha halattaryn tigetin «TumarTextile» JShS jobasy iske qosyldy. «LuxShoes» JShS-nyń aıaq kıim óndirisi boıynsha jobasy iske qosylý satysynda tur. 2018 jyldyń sońyna deıin jeńil ónerkásiptiń 3 jobasyn iske qosý josparlanyp otyr», - dedi Almas Batanov.