Qazaqstanda mekendeıtin dala búrkitiniń sany ósip keledi
ASTANA. QazAqparat - Qazaqstan bıoalýantúrlilikti saqtaý qaýymdastyǵy (QBSQ) dala búrkitiniń popýlıatsııasyn zerttedi, dep habarlaıdy QazAqparat.
Qaraǵandy oblysynda ekspedıtsııa jumystaryn júrgizgen Igor Karıakınniń jetekshiligindegi zertteý toby Qazaqstan men Reseıdegi dala búrkitiniń popýlıatsııasyna monıtorıng jasaǵan. Naqtyraq aıtqanda, Topar, Atasý men Qorǵaljyń aýmaqtaryn zerttegen.
Kosmotúsirilimdegi zerttelgen aýmaq
Ǵalymdardyń aıtýynsha, dala búrkitiniń qazirgi popýlıatsııasyn zertteý kezinde kóńil kónshiterlik trend baıqalmaǵan. Qazaqstan men Reseıde qazirgi tańda 26,0 - 36,7 myń uıa salǵan juptyń qalǵany anyqtalǵan. Ortalyq Qazaqstanda shamamen 3 myń jup búrkit qalǵan kórinedi. Bul álem boıynsha dala búrkitteriniń 8,24% ekenin atap ótý kerek.
Ekspedıtsııa baǵdary
Zertteý nátıjesinde ǵalymdar 2007-2017 jyldary Qaraǵandy oblysynda dala búrkitteriniń sany shamamen 27,08% azaıǵanyn anyqtaǵan. Alaıda sońǵy jyldary qustyń bul túriniń sany qaıta qalpyna kelip jatqan kórinedi.
2017 jylǵy zertteý boıynsha anyqtalǵan dala búrkitteri: 1 - tabylǵan uıalar, 2 - anyqtalǵan dala búrkitteriniń ózge aýmaǵy.
Eske sala ketsek, dala búrkiti QR Qyzyl kitabyna engizilgen. Dala búrkitteriniń sany kóp bolǵanymen, sońǵy jyldary aıtarlyqtaı azaıyp ketken. Qustyń bul túriniń toptasyp uıa salýy ekojúıeniń jaıly ekendigin kórsetedi.
