Medıtsınalyq uıymǵa barmaı-aq qashyqtan dárigerdiń kómegine júginý júıesi engizilmek

ASTANA. KAZINFORM — Densaýlyq saqtaý mınıstrligi medıtsınalyq qyzmetter kórsetý salasyndaǵy zań buzýshylyqtardy joıýǵa arnalǵan usynystardyń jańa nysanyn bekitý jobasyn ázirledi. Atalǵan qujat Ashyq NQA portalynda talqylaýǵa jarııalandy. Buıryq jobasy medıtsınalyq uıymdarǵa barmaı-aq, ıaǵnı qashyqtan kómekke júginý júıesin engizýdi qarastyrady.

— Medıtsınalyq kómektiń sapasyna áser etetin buzýshylyqtardy jedel anyqtap, joıý; medıtsınalyq uıymdarǵa túsetin júktemeni azaıtyp, baryp tekserýler sanyn qysqartý; medıtsınalyq qyzmet kórsetý salasynda ashyqtyq pen jaýapkershilikti arttyrý; baqylaýshy organdar men medıtsınalyq uıymdardyń tsıfrlyq ózara is-qımylyn jedeldetý, — delingen qujatta. 

Mınıstrlik atap ótkendeı, osy jobany iske asyrýdyń nátıjesinde patsıentter sapaly, qaýipsiz jáne der kezinde kórsetiletin medıtsınalyq qyzmet ala alady, al baqylaý júıesi zamanaýı ári tıimdi bola túsedi.

Buǵan deıin Buryn-sońdy medıtsınalyq mekeme bolmaǵan 194 eldi mekende densaýlyq saqtaý nysandary salynǵanyn jazǵanbyz.

Sonymen qatar densaýlyq saqtaý júıesinde dári-dármek baǵasyn 30%-ǵa deıin tómendetý sharalary qabyldanbaq.