Elimizde medıtsınalyq qyzmetterdi lıtsenzııalaý júıesi jańartylady
ASTANA. KAZINFORM — Densaýlyq saqtaý mınıstrliginiń Medıtsınalyq jáne farmatsevtıkalyq komıteti mınıstrlik medıtsınalyq qyzmetke lıtsenzııalardyń qoldanylý merzimin 5 jyl belgileýdi kózdeıtin zań jobasyn ázirlegenin habarlaıdy.
Komıtet deregine sáıkes, zań jobasy medıtsınalyq kómektiń sapasy men qaýipsizdigin arttyrýǵa baǵyttalǵan.
Bul jańashyldyq emhanalarǵa bızneske qosymsha salmaq túsirmeı, qajetti deńgeıde qyzmet kórsetýge daıyndyǵyn júıeli túrde rastaýǵa múmkindik beredi.
— Qazir Qazaqstanda medıtsınalyq qyzmetpen aınalysýǵa lıtsenzııa belgisiz merzimge beriledi. Demek, memleket ony alǵannan keıin medıtsınalyq uıymnyń jumysyn jalǵastyra beretini jáne onyń belgilengen talaptarǵa saı keletini týraly aqparatty júıeli túrde jańartý múmkindigine ıe bola bermeıdi. QR Kásipkerlik kodeksiniń 82 jáne 83-baptaryna sáıkes, engizilgen 5 jyldyq shekteýdiń medıtsınalyq lıtsenzııanyń qoldanylý merzimine retteýshilik áserin taldaý nátıjeleri boıynsha múddeli tulǵalar men buqaralyq aqparat quraldaryna jarııa talqylaý týraly habarlaımyz. Qoǵamdyq talqylaýlar 2026 jyldyń 18 naýryzynda saǵat 11:00–de ZOOM arqyly myna silteme boıynsha ótedi, — delingen habarlamada.
Budan buryn medıtsınalyq uıymdar lıtsenzııany bes jyl saıyn jańartyp otyratynyn jazǵan edik.
