Medıtsına mamandarynyń jasandy zeıinmen jumys isteý standarty engizilýi múmkin
Elimizde Qazaqstanda medıtsına mamandarynyń jasandy zeıinmen jumys isteýin retteıtin kásibı standart engizilýi múmkin, dep habarlaıdy Kazinform agenttigi.
Bul týraly Densaýlyq saqtaý vıtse-mınıstri Beıbit Esenbaev «HR jáne tsıfrlyq tehnologııalar garmonııasy: úzdik komandalarǵa arnalǵan ınnovatsııalar» atty konferentsııada málim etti.
«Búgingi tańda medıtsına mamandaryna jasandy zeıin quraldaryn, tsıfrlyq tehnologııalardy jumysynda paıdalana bilý kerek. Jasandy zeıin dál osy densaýlyq saqtaý salasynda úlken serpin týyndatyp jatyr. Bul medıtsına qyzmetshileriniń jańa býynyn qalyptastyrýdaǵy basym baǵytqa aınalyp otyr. Qazir medıtsınalyq joǵary oqý oryndarynda bilim alyp jatqan stýdentter kásibı bilikpen qatar jasandy zeıinniń quraldaryn meńgerip, tsıfrlyq tehnologııalardy bilip shyǵýy kerek», - dedi vıtse-mınıstr.
Onyń sózinshe, jańa tehnologııalar men trendterdiń paıda bolýy medıtsına mamandaryn daıyndaý isin de ózgeriske ushyratyp jatyr. Sonyń áserinen medıtsınamen japsarlas salalardy qamtıtyn aralas mamandyqtar paıda bolyp jatyr.
«Ózderińiz bilesizder, IT medıtsınadaǵy oqý baǵdarlamasy tehnıkalyq ýnıversıtettermen qanattasyp jumys isteýge baǵyttalǵan. ıAǵnı medıtsına stýdentteri tehnıkalyq oqý oryndarynda qatar bilim alyp júr. Ol stýdentter qazirgi zaman talaptaryna tótep berip jumys isteı alady. Buǵan deıin memlekettik qyzmetke kompıýtermen jumys isteı alatyn adamdardy ǵana qabyldaıtyn tájrıbe bolǵan. Al qazir medıtsına salasynyń qyzmetkerlerin tek kompıýter qoldanýdy bilgeni úshin ǵana emes, medıtsınalyq aqparat júıelerin, jasandy zeıindi qoldana alǵany úshin qabyldaıdy. Sondyqtan osy salada kásibı standart daıyndaıtyn kez keldi. Onyń ishinde ІT medıtsınada da», - dedi Beıbit Esenbaev.
