Qazaqstanda medıtsına qyzmetkerlerine biliktilik sanattaryn berý qaǵıdasy ózgerdi
ASTANA. KAZINFORM — QR Densaýlyq saqtaý mınıstrligi biliktilik sanattaryn berý rásimin qaıta qaraý týraly buıryqtarǵa ózgerister ázirlep, qabyldady.

Osy ózgeristerge sáıkes:
- 2021 jylǵy 1 qańtardan keıin ótken sanat merzimderi bar;
- merzimsiz sanatty qaıta resimdeıtin;
- qoldanystaǵy biliktilik deńgeıin rastaıtyn medıtsına qyzmetkerleriniń sanattary bilimdi baǵalaý jáne keıs-test kezeńderinen ótýden bosatylady.
Budan basqa, «Meıirger isi» mamandyǵy boıynsha orta bilimnen keıingi nemese joǵary medıtsınalyq bilim alǵan tehnıkalyq jáne kásiptik bilimi bar medıtsına qyzmetkerleri úshin burynǵy jumys ótili eskerile otyryp, balamaly biliktilik sanatyndaǵy biliktilik deńgeıi saqtalady.
- Buryn medıtsına qyzmetkerleriniń kóptegen ótinishterin eskere otyryp, dárigerlerge qarjylyq júktemeni azaıtý úshin emtıhandy birinshi ret qaıta tapsyrý kezinde, qanaǵattanarlyqsyz nátıjemen tólemnen bosatý týraly sheshim qabyldandy. Meıirgerler úshin baǵalaý quny 21 000 teńgeden 17 000 teńgege deıin tómendetildi, - dep jazdy mınıstrlikten.
Medıtsına qyzmetkerleri osy buıryq kúshine engen kúnnen bastap 10 kún ótken soń biliktilik deńgeıin rastaý rásiminen óte alady.
Úzdik medıtsınalyq uıymdardyń reıtıngi jarııalandy.