Qazaqstanda medıtsınalyq jedel járdem kólikterin jańǵyrtý aıasynda GPS-navıgatsııa júıesi engizilýde

Bul týraly búgin Úkimettiń selektorlyq rejimdegi otyrysynda Densaýlyq saqtaý mınıstri Salıdat Qaıyrbekova málim etti.

Jedel járdem kólikterin atalǵan qurylǵylarmen jabdyqtaý qyzmet kórsetý sapasy men jedeldigin qamtamasyz etetindigin atap ótken mınıstr: «Júıeni engizý shynaıy ýaqyt rejiminde sanıtarlyq avtokóliktiń qozǵalysyn baqylaýǵa múmkindik beredi. Bul óz kezeginde shaqyrtý túsken meken-jaıǵa taqaý turǵan jedel medıtsınalyq kómek brıgadasyn qysqa merzimdi baǵyttaǵa múmkindik beredi», - dedi.

Sonymen qatar onyń atap ótýinshe, jergilik bıýdjet esebinen qarjylandyrylatyn jedel medıtsınalyq qyzmetke bólingen aqsha aǵymdaǵy jyly 27,9 paıyzǵa ósken. «Degenmen bul qyzmettiń qarjylandyrylýynda teńsizdik oryn alýda. Máselen, Almatyda bir shaqyrý 6 996 myń teńgeniń qurasa, Qostanaı oblysynda ne-bári 2534 teńge», - dedi ol.