Qazaqstanda medıtsınalyq maskanyń baǵasy tómendetildi
NUR-SULTAN. QazAqparat - QR Premer-Mınıstriniń orynbasary E. Toǵjanovtyń tóraǵalyǵymen ótken Vedomstvoaralyq komıssııanyń otyrysynda Memleket basshysynyń tapsyrmalaryn oryndaý boıynsha birqatar sheshim qabyldady, dep habarlaıdy QazAqparat primeminister.kz-ke silteme jasap.
«Memleket basshysynyń tapsyrmasyn oryndaý maqsatynda Vedomstvoaralyq komıssııa memlekettik organdarmen, «Atameken» UKP-men jáne otandyq taýar óndirýshilermen talqylaý qorytyndysy boıynsha qorǵanysh maskalaryna 40 teńge, bir rettik medıtsınalyq maskalarǵa 60 teńge mólsherinde shekti bólshek saýda baǵasyn belgiledi», delingen habarlamada.
Eske sala ketsek, Memleket basshysy Q. Toqaevtyń koronavırýs pandemııasynyń ekinshi tolqynyna daıyndyq máseleleri jónindegi keńeste maska baǵasyn tómendetýdi tapsyrǵan bolatyn.
