Qazaqstanda medıtsınalyq qyzmetterdi monıtorıngileýdiń jańa ádisi engiziledi
«2021 jyly qor mańyzdy jańalyq – proaktıvti monıtorıngti engizýdi josparoap otyr. Onyń aıyrmashylyq ereksheligi – zań buzýshylyqtar anyqtalǵan sátte aıyppul sanktsııalarynyń joqtyǵy. Jetkizýshi kelisimshartqa qol qoıylǵan kúnnen bastap 45 kúnniń ishinde anyqtalǵan aqaýdy joıýy tıis. Ony joımaǵan jaǵdaıda ekonomıkalyq is-sharalar qoldanylady», - dedi ol QR Densaýlyq saqtaý mınıstrliginiń keńeıtilgen alqa otyrysynda.
Onyń atap ótýinshe, osyǵan baılanysty medıtsınalyq uıymdardyń basshylary patsıentterdi qoldaý jáne sapanyń ishki saraptamasy qyzmetteriniń jumysyn kúsheıtýi qajet.
«Sondaı-aq medıtsınalyq qujattamalardy toltyrý durystyǵy, dárigerlik taǵaıyndaýdyń tolyqtyǵy men der ýaqytynda oryndalýy boıynsha orta personaldar jumysynyń sapasyna júıeli saraptama júrgizý qajet. Epıdemıologııalyq ahýaldyń turaqtalýyna jáne COVID-19-ǵa qarsy vaktsınatsııanyń bastalýyn eskere otyryp, jelilik shkalany jańǵyrtýy jáne osy jyldyń ekinshi toqsanyna bastap aıypppul sanktsııalaryna moratorııdi alyp tastaýdy usynamyz», - dedi Bolat Tókejanov.