Qazaqstanda medıtsınalyq esep qujattamasy ońtaılandyrylady
Qazaqstannyń densaýlyq saqtaý uıymdarynda medıtsınalyq qujattamany qaǵazsyz júrgizý sheńberinde eseptik qujattamanyń 85% astamy (155 nysannyń 132-si) elektrondyq formatqa aýystyryldy.
«Elektrondyq medıtsınalyq anyqtamalar men qujattarǵa kóshý Densaýlyq saqtaýdy damytý respýblıkalyq ortalyǵy men Densaýlyq saqtaý mınıstrliginiń «Densaýlyq saqtaý uıymdarynyń bastapqy medıtsınalyq qujattama nysandaryn bekitý týraly» 2010 jylǵy 23 qarashadaǵy №907 buıryǵyna ózgeris engizý boıynsha birlesken jumysynyń arqasynda júzege asyryldy» delingen habarlamada.
Basqa vedomstvolarmen ıntegratsııalaý múmkindiginiń bolmaýyna baılanysty 23 eseptik nysan qaǵaz túrinde (densaýlyq jaǵdaıy týraly qorytyndylar, áskerge shaqyrylýshylardyń kartalary, saýyqtyrý lageri men sanatorıılerge anyqtamalar men joldamalar, júkti áıeldi basqa jumysqa aýystyrý týraly dárigerlik qorytyndy, aıyrbastaý kartasy jáne basqalar) júrgiziledi. Medıtsınalyq qujattamany qaǵazsyz jáne tsıfrlyq júrgizýge tolyq kóshý 2022 jylǵa josparlanyp otyr.
Budan basqa, densaýlyq saqtaý uıymdarynyń jumysyn ońtaılandyrý maqsatynda medıtsınalyq esepke alý qujattamasynyń 126 nysany alynyp tastaldy, bastapqy medıtsınalyq qujattama sany 44,8% qysqardy.