Qazaqstanda Medıtsına qyzmetkerleri kúni «Kásibińe basymdy ıem» uranymen ótedi
«Búgin medıtsına qyzmetkerleriniń kásibı merekesine arnalǵan is-sharalardyń bastalǵany týraly resmı jarııalaımyz. Negizgi saltanatty is-shara 16 maýsymda «Astana Operada» ótedi. Onda «Úzdik dáriger», «Úzdik aýyl dárigeri», «Úzdik provızor», «Úzdik tehnıkalyq kásibı bilimi bar medıtsına qyzmetkeri», «Úzdik menedjer - densaýlyq saqtaýdyń uıymdastyrýshysy», «Úzdik medıtsınalyq JOO oqytýshysy», «Sanıtarııalyq-epıdemıologııa salasynyń úzdik dárigeri», «Sanıtarııalyq-epıdemıologııalyq saraptamanyń úzdik mamany» sııaqty atalymdar boıynsha marapattalady», - dedi Alekseı Tsoı.
Sonymen qatar ol elimizdiń barlyq óńirlerinde «Men nege dáriger mamandyǵyn tańdadym» atty fleshmob ótetindigin aıtty.
QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Ajar Tóleǵalıeva 16 maýsym kúni marapattalatyn úzdik dárigerlerdi árbir óńirde qurylǵan arnaıy komıssııa halyq arasynda saýalnama júrgizý arqyly anyqtaıtyndyǵyn atap ótti.
«Óńirde úzdik tanylǵan dárigerdiń aty-jóni mınıstrlikke jiberiledi. Osylaısha óńirlerden iriktep alynǵan 70-ten astam dáriger elorda tórinde marapatqa ıe bolady», - dedi Ajar Tóleǵalıeva.