Qazaqstanda medıatsııa ınstıtýtyn damytý máseleleri talqylandy

ASTANA. QazAqparat – QR Parlamenti Senaty depýtattarynyń bastamasy boıynsha jáne Aqparat jáne qoǵamdyq damý mınıstrliginiń qatysýymen Qazaqstandaǵy medıatsııa ınstıtýtyn damytý máseleleri boıynsha respýblıkalyq dóńgelek ústel otyrysy ótti, dep habarlaıdy QazAqparat.

Sharany ótkizýge medıatorlar uıymdarymen birlese otyryp «Qazaqstannyń azamattyq alıansy» ZTB qoldaý bildirdi.

Otyrys barysynda densaýlyq saqtaý, bilim berý, eńbek daýlary salalarynda, qylmystyq protseste medıatsııany damytýǵa baǵyttalǵan ózekti máseleler talqylandy, sondaı-aq medıatorlarǵa salyq salý máseleleri de kóterildi.

«Biz búgingi sharany medıatorlar uıymdarynyń qyzmetin odan ári damytý, úılestirý, olardyń elimizdegi quqyqtary men zańdy múddelerin qorǵaý maqsatynda ótkizip otyrmyz. Medıatorlar uıymdary ózin-ózi retteıtin uıymdar retinde qoǵamdaǵy keń aýqymdy qamtıdy. Bul máseleler quqyqtyq normalar men zańdardyń aýqymdy qabatyna baılanysty egjeı-tegjeıli pysyqtaýdy talap etedi», - dep atap ótti senator Lázzat Súleımen.

Sharaǵa Parlament Senatynyń depýtattary, memlekettik organdardyń, úkimettik emes jáne qoǵamdyq uıymdardyń ókilderi, medıatorlar uıymdarynyń basshylary, sondaı-aq osy saladaǵy ǵalymdar men sarapshylar qatysty.

Onyń qorytyndysy boıynsha medıatsııa ınstıtýtyn odan ári jetildirý boıynsha usynystar qabyldandy.

Parlament Senatynyń depýtattary medıatsııa salasyndaǵy zańnamany jetildirý jónindegi jumysty turaqty negizde júrgizip keledi.

Foto: senate.parlam.kz