Qazaqstanda MEDEÝ kollektsııalyq monetasy aınalymǵa shyǵady

NUR-SULTAN. QazAqparat - Qazaqstan Ulttyq banki «Respýblıka ıgiligi» monetalar serııasynan nomınaly 500 teńgelik «MEDEÝ» kúmis kollektsııalyq monetasyn aınalysqa shyǵaryp jatyr, dep habarlaıdy QazAqparat.

MEDEÝ kollektsııalyq monetasy Ulttyq banktiń ınternet-dúkeninde satylady .

Satý kúni týraly aqparat QUB resmı saıtynda qosymsha jarııalanady.

Monetany onlaın satý jáne jetkizý Ulttyq bank ınternet-dúkeniniń jańartylǵan platformasynda júzege asyrylady. Tapsyrystardy óńdeý belgili bir ýaqytty qajet etetindikten, moneta satý birneshe kúnge bólinedi.

MEDEÝ monetasy dızaınynyń tujyrymdamasy ataqty bógettiń jáne «jarylystan týyndaǵan» muz aıdynynyń paıda bolý tarıhyn sýretteıdi.

Moneta dızaınynyń grafıkalyq tujyrymdamasy búkil álemge áıgili «Medeý» bıik taýly muz aıdynyn qorshaǵan Іle Alataýynyń jartasty taýlaryn allegorııalyq qabyldaý negizinde jasalǵan.

Monetalar altyn jalatylǵan kúmisten jasalǵan. Massasy - 24 gramm, dıametri - 37 mm, «proof» sapasy, taralymy – 3 000 dana. Moneta kollektsııalyq quny boıynsha satýǵa arnalǵan.

Moneta aversiniń ortalyq bóliginde «QAZAQSTAN RESPÝBLIKASY» jazbasynyń, moneta nomınalyn jáne moneta daıyndalǵan metaldy, onyń synamasy men massasyn bildiretin jazbalardyń qorshaýynda Qazaqstan Respýblıkasynyń Memlekettik Eltańbasy beınelengen.

Monetanyń reversinde ortada jartasty taýlar aıasynda bıik taýly «Medeý» muz aıdynynyń beınesi ornalasqan.

Kollektsııalyq moneta Qazaqstannyń teńge saraıynda daıyndalǵan.