Qazaqstanda «medbıke isin» JOO-larda oqytady - T.Dúısenova

ASTANA. QazAqparat - Qazaqstanda medıtsınalyq medbıkelerdi fındik model boıynsha joǵary oqý oryndarynda oqytady, dep málimdedi Mınıstrlik janyndaǵy azamattyq qoǵammen ózara is-qımyl jónindegi Qoǵamdyq keńes aldynda esep bergen QR densaýlyq saqtaý jáne áleýmettik damý mınıstri Tamara Dúısenova.

«Medıtsınalyq kolledjderge keletin bolsaq: sońǵy 3 jylda bizde fındik áriptester jumys istedi. Olar Qazaqstannyń barlyq 64 kolledjin aralady. Olar 1 qyrkúıekten bastap eýropalyq dırektıv standarttaryn engizedi», - dedi T.Dúısenova.

Onyń aıtýynsha, medbıkelerdi oqytý kolledjerde ǵana emes, joǵary oqý oryndarynda da ótedi, dep jazady primeminister.kz.

«Endi medbıkelerdiń úsh sanaty bolady. Birinshisi - kolledj bitiretin medbıkeler kútý jumysymen aınalysady. Ekinshisi - medıtsınalyq kómek kórsetetin medbıkeler, bakalavrıat bitirgender - medbıkelerdiń joǵary mektebi. Olardy medıtsınalyq kolledjder daıyndaıdy. Úshinshisi - joǵary oqý oryndarynda daıarlanatyn ákimshiler. Bul álemdik tájirıbe de engiziletin bolady. Bul dárigerdiń keıbir fýnktsııalaryn medbıkelerge tapsyrýǵa múmkindik berdi», - dedi vedomstvo basshysy.