Qazaqstanda maınıngpen aınalysatyn qansha kompanııa bar - vıtse-mınıstrdiń jaýaby
«Maınıng qyzmetin júrgizetin kompanııany tirkeý, maınıngpen aınalysatyn kompanııalardyń tártibi anyqtaldy, qazir olar Tsıfrlyq damý mınıstrligine habar beredi. Olar óz kompanııalary týraly, quryltaıshylar týraly, óndiris alańy, jumys isteıtin maınıng fermasy týraly málimetterdi usynady, satyp alynǵan, jetkizilgen jabdyqtardy kórsetedi, osy jabdyqty ákelý kezinde baj salyǵy tólengen-tólenbegenin kórsetedi. ıAǵnı, tolyq aqparat beriledi jáne budan bylaı maınıng tek qana osylaı jumys isteıdi», - dedi vıtse-mınıstr Májilis kýlýarynda tilshilerge bergen suhbatynda.
Onyń aıtýynsha, Tsıfrlyq damý, ınnovatsııalar jáne aeroǵarysh ónerkásibi mınıstrligine maınıngpen aınalysatyn kompanııa ekenin habarlaǵan 50-ge jýyq kompanııa bar. Tsıfrlyq damý mınıstrliginde osy kompanııalar týraly jáne olar qansha qýat óndirýdi josparlap otyrǵany týraly tolyq aqparat bar.
«Bizdiń aqparatymyz boıynsha, maınıngpen aınalysqan 150 kompanııanyń úshten biri qyzmetin toqtatty. Qarapaıym sózben aıtqanda, maınıng óndirisi basqa elge ketti jáne t.b. Olardyń elýge jýyǵy – resmı tirkelgen maınıng kompanııalary. Tıisinshe, zańsyz maıner dep tanylǵandar qalady. Olardyń jabdyqty jetkizý, tutyný jáne jumys isteıtin orny boıynsha sheshilmegen máseleleri bar», - dedi J. Nurmaǵambetov.
Aıta keteıik, búgin Májiliste «Qazaqstan Respýblıkasynyń tsıfrlyq aktıvteri týraly» zań men 4 ilespe zań jobalary maquldandy. Zańǵa sáıkes, Qazaqstanda maınerler salyq tóleýge mindetteledi.
https://kaz.inform.kz/news/kazakstanda-maynerler-salyk-toleuge-mindetteledi-mazhilis-zan-zhobasyn-makuldady_a3989513
Foto:coipacapital.com
