Qazaqstanda maıly daqyldardyń egis alqaby 5 mln gektarǵa deıin artady
«Aýyl sharýashylyǵy mınıstrligimen 2030 jylǵa deıin maı-toń maı salasyn damytý baǵdarlamasyn ázirleý boıynsha birlesken jumys bastaldy. Mınıstrlik bazasynda jumys toby quryldy. Oǵan iri zaýyttarda qatysyp jatyr. Jalpy, bul baǵytta saladaǵy jaǵdaıǵa aýqymdy taldaý jasap, problemalardy aıqyndadyq», - dedi elordadaǵy «KazOil – 2019» III Halyqaralyq konferentsııasynda.
Osy oraıda ol qaýymdastyq ókilderi maıly daqyldardy óndirý men shıkizatty qaıta óńdeý salasyndaǵy negizgi problemalardy anyqtaǵanyn jetkizdi.
«Atap aıtqanda, tuqym materıaly ónimdiliginiń tómendigi, mıneraldy tyńaıtqysh óndirisiniń tıisti deńgeıde damymaýy, aýyl sharýashylyǵy tehnıkasynyń tozýy, kadrlar tapshylyǵy, ónimdi saqtaý úshin ınfraqurylymnyń jetkiliksizdigi sekildi kemshilikter bar. Jalpy, bul jaǵdaı 2018 jyldaǵy málimetter aıasynda aıqyndaldy», - dedi ol.
Onyń sózine qaraǵanda, maıly daqyldarǵa arnalǵan egisterdiń aýmaǵy aıtarlyqtaı artady.
«Salany damytý baǵdarlamasynda 2019-2021 jyldar birinshi kezeń, 2022-2025 jyldar – ekinshi kezeń, 2026-2030 jyldar – úshinshi kezeń. Osy oraıda biz ózimizdi maıly daqyldarmen, ósimdik maıymen tolyqtaı qamtamasyz etip, daıyn ónim eksportyna jan-jaqty shyǵamyz. 2030 jylǵa qaraı maıly daqyldardyń egisteri 5 mıllıon gektarǵa deıin artady dep josparlanýda», - dedi Konstantın Nevzorov.
Buǵan deıin habarlanǵandaı, eki jylda Qazaqstan maıly daqyldardy tolyqtaı óńdeý deńgeıine shyǵady dep kútilýde.
