Qazaqstanda maýsymda ınflıatsııa 0,2%, jyl basynan - 2,6% qurady

NUR-SULTAN. QazAqparat - 2019 jylǵy maýsymda ınflıatsııa ótken aımen salystyrǵanda 0,2%, 2018 jyldyń jeltoqsanymen salystyrǵanda 2,6% qurady. Mundaı derekti QR UEM Statıstıka komıteti jarııa etti, dep habarlaıdy QazAqparat.

Ótken aıda azyq-túlik taýarlary baǵasy 0,2%, azyq-túlik emes taýarlar - 0,4%, aqyly qyzmetter 0,2%-ke qymbattady.

Jyl basynan beri, 1 shildedegi jaǵdaı boıynsha azyq-túlik taýarlaryna 5,9%, azyq-túlik emes taýarlarǵa - 2,2%-ke kóterilgen. Aqyly qyzmetter 0,9%-ǵa arzandady.

Jyl basynan beri tary baǵasy - 35,2%-ke, kókónister - 17,4%, un - 14%, kúrish - 12%, qoı eti - 9,2%, muzdatylǵan balyq - 8,7%, nan - 8,5%, makaron ónimderi - 7,5%, jemis-jıdekter - 7,3%, jylqy - 6%, sıyr eti - 5,9%, qus eti - 5,4%, máıek irimshigi - 5,2%, shoshqa eti - 4,9%, unnan jasalǵan ónimder - 4,8%, shujyq ónimderi - 3,9%, sháı - 3,6%, kondıterlik ónimder - 3,4%-ǵa ósken.

Salqyndatylǵan sýsyndar - 7,9%, alkogoldik ishimdikter - 5,1%, temeki buıymdary - 5%-ǵa joǵarylady. Jumyrtqa 9,8%, shıki sút 3,8%, súzbe 2,4%, qaraqumyq 1,6%, qant 1,1%-ǵa arzandady.

Farmatsevtıkalyq ónimder baǵasy 4,8%-ǵa ósse, kólik quny - 3,7%, jıhaz ben turmystyq hattar - 3,6%, tekstıldi buıymdar - 3,4%, kıim men aıaq-kıim - 3,3%, jýatyn jáne tazalaıtyn quraldar - 3%, jeke qoldaný taýarlary - 2,9%-ke ósken.

Benzın - 4,6%, dızeldik otyn - 1,3%, suıyltylǵan gaz - 0,9%-ke arzandady.

Shıpajaılar baǵasy 7,4%, jeke kólikti saqtandyrý - 5%, densaýlyq saqtaý qyzmetteri - 4,1%, shashtaraz jáne qoǵamdyq tamaqtaný - 3,3%, qonaqúıler - 2,2%, kabeldik telearna - 1,3%-ke qymbattady.

Áýe kólik quraldarymen jol júrý baǵasy 1%-ke ósse, temirjol - 1,8%-ke arzandady.