Qazaqstanda máslıhattar qyzmeti keńeıtiledi

NUR-SULTAN. QazAqparat – Memleket basshysy Qasym-Jomart Toqaev máslıhattar qyzmetin keńeıtý týraly aıtty, dep habarlaıdy QazAqparat tilshisi.

«Jergilikti resýrstardyń ońtaıly jumsalýyn baqylaý ókildik organdarǵa – máslıhattarǵa júktelgen. Alaıda olardyń pikiri kóbine elenbeı jatady. Bul óz kezeginde saıası anahronızm», - dedi Prezıdent Qazaqstan halqyna jyl saıynǵy dástúrli Joldaýynda.

Osy oraıda Memleket basshysy óńirdi damytý nemese jergilik problemalar boıynsha qol jınaý jáne petıtsııa qurý fýnktsııasyn máslıhatqa berý múmkindigi týraly aıtty.

«Sonymen qatar, máslıhattardyń revızııalyq komıssııalaryn kúsheıtý kerek. Úkimet pen Esep komıtetine zańnamaǵa tıisti túzetýler paketin daıarlaýdy tapsyramyn. Máslıhat otyrystarynyń mindetti onlaın-tanslıatsııasyn engizý qajet», - dedi Q. Toqaev.