Qazaqstanda mashına jasaý salasynyń keleshegi zor – Roman Sklıar

NUR-SULTAN. QazAqparat – QR Premer-Mınıstriniń birinshi orynbasary Roman Sklıar eldegi mashına jasaý salasynyń damýy jóninde pikir bildirdi, dep habarlaıdy QazAqparat tilshisi.

«Bizdiń bolashaǵymyz zor. Munda tek avtokólik qurastyrýǵa ǵana kóńil bólmeı, munaı-gaz mashınasyn, energetıkalyq mashına jasaýdy da eskergen jón. Bizde quzyret bar, onymen aınalysatyn adamdar bar, tıisti bilim alyp, osy kásiporyndarda jumys isteı alatyn jastar bar», - dedi Roman Sklıar Úkimet otyrysynan keıin tilshilerge bergen suhbatynda.

Vıtse-premer mýltıplıkatıvti áser bolýy qajettigin aıtty.

«Biraq eń bastysy – ımporttaýshy elge aınalmaýymyz kerek, keı adamdar biz eshteńe óndire almaımyz jáne bárin satyp alamyz dep aıtady. Biraq biz jańa quzyretterdi úırenip, ózimizde óndiris ashýymyz kerek», - dedi Premer-Mınıstrdiń orynbasary.

Buǵan deıin Roman Sklıar ýtıl alymynan bas tartý týraly suraqtarǵa jaýap berip, «múmkin emes eshteńe joq» degen edi.