Qazaqstanda mas júrgizýshilerdiń kólikterin tárkileý usynyldy

ASTANA. QazAqparat - Kólikti mas kúıinde basqarǵan júrgizýshilerdiń kólikterin tárkileý usynyldy. Bul jaıynda búgin QR Bas prokýratýrasyndaǵy alqa májilisinde aıtyldy.

QR Bas prokýratýrasy tórtinshi departamentiniń basshysy Áset Shyndalıevtiń sózine qaraǵanda, kólikti mas kúıinde basqarǵany úshin jáne kýálandyrýdan ótýden bas tartqany úshin sanktsııalardy teńestirý kerek.

«Belarýstiń tájirıbesin zertteý usynylady, ıaǵnı osy elde qylmystyq zańnamada kólikti mas kúıinde basqarǵany úshin avtokólikti tárkileý qarastyrylǵan. Álemdik tájirıbeni eskere otyryp, aıyppuldar kólemin qaıta qarastyrý kerek nemese óndirip alýdyń balamaly túrlerine almastyrý qajet, ıaǵnı eskertý jasaý, júrgizýshilik kýáliginen aıyrý, qamaýǵa alý sharalary»,-dedi ol.