Qazaqstanda mas kúıde kólik júrgizgenderdi tekserý tártibi jańartylady
ASTANA. KAZINFORM — QR Densaýlyq saqtaý mınıstrligi «Psıhıkalyq densaýlyq salasynda medıtsınalyq-áleýmettik kómek kórsetýdiń keıbir máseleleri týraly» jańa buıryq jobasyn jarııalady. Qujat «Ashyq NQA» saıtynda 27 naýryzǵa deıin qoǵamdyq talqylaýǵa qoıylǵan.
Qujat psıhoaktıvti zattardy qoldanǵan jaǵdaıda medıtsınalyq kýálandyrý rásimin jetildirýge baǵyttalǵan.
Atap aıtqanda, jańartýlar mas kúıinde medıtsınalyq kýálandyrýdy júrgizý tártibin naqtylaýǵa, sondaı-aq adamnyń jaı-kúıin baǵalaýdyń dáldigi men tolyqtyǵyn arttyrýǵa arnalǵan. Eń basty jańalyqtardyń biri — mas bolý dárejesin sapalyq kórsetkishter arqyly anyqtaý. Bul júrgizýshiniń jaǵdaıyn dálirek baǵalaýǵa jáne daýly jaǵdaılardyń sanyn azaıtýǵa múmkindik beredi.
Sonymen qatar, buıryq zerthanalyq zertteýler júrgizý tártibin de egjeı-tegjeıli bekitedi, bul medıtsınalyq qorytyndylardyń obektıvtiligin arttyrady.
Densaýlyq saqtaý mınıstrliginiń habarlaýynsha, atalǵan ózgerister medıtsınalyq kýálandyrý rásimderine senimdilikti arttyryp, densaýlyq saqtaý júıesiniń tıimdiligin kúsheıtedi.
Densaýlyq saqtaý mınıstrligi habarlaǵandaı, atalǵan ózgerister medıtsınalyq kýálandyrý rásimderine senimdilikti kúsheıtip, densaýlyq saqtaý júıesiniń tıimdiligin arttyrady.
Esterińizge sala keteıik, buǵan deıin Senat depýtaty Janna Asanova jeke zerthanalarǵa júrgizýshilerdi mas kúıinde tekserýge ruqsat berýdi usynǵan bolatyn.
