Qazaqstanda mánerlep syrǵanaýdan Sochı Olımpıadasyna eki joldama bar
ASTANA. 18 naýryz. QazAqparat - Halyqaralyq konkı federatsııasy 2014 jyly Sochıde ótetin Olımpıada oıyndaryna joldamalar bóldi. Qazaqstan quramasynyń múshesi Denıs Ten álem chempıonatynda kúmis júlde alyp, Qazaqstan quramasyna úsh joldama alǵanymen, álemdik federatsııa Qazaqstan úshin eki joldama bóldi, dep habarlaıdy «Alaman».
Bizge úsh joldamanyń ornyna eki joldama berýdiń ózindik sebebi bar. Birinshiden, Qazaqstanda Olımpıadaǵa qatysatyn úshinshi nómerli sportshy joq. Ekinshiden, Abzal Raqymǵalıevtiń tómen nátıjesi.
Osylaısha, Denıs Ten men Abzal Raqymǵalıev osy bastan endi Sochı olımpıadasyna daıyndyqtaryn bastaıdy.
Al Denıs Ten Kanada tórindegi jeńisinen keıin álemdik reıtıngte altynshy orynǵa birden kóterildi. Abzal Raqymǵalıev 94 orynda.
