Qazaqstanda mamyr aıynda ınternetti paıdalanýshylar sany 9,4 mıllıonǵa jetti
ALMATY. 15 mamyr. QazAqparat - Qazaqstanda ınternetti qoldanýshylardyń 25,02 paıyzy Almatyda turady. Bul búgin Almatyda «Chocolife.me» kompanııasynyń 1 jyldyǵyna arnalǵan alqaly jıynda aıtyldy.
«Elektrondyq kommertsııa salasyndaǵy 50-den astam kompanııanyń arasyndaǵy saýalnama men Euromonitor International, Deloitte & Touche «Hidden Heroes. The next generation of retail markets», Planet Retail, QR Statıtıka agentti, Indýstrııa jáne jańa tehnologııalar mınıstrligi men «Qazkommertsbank» AQ-nyń aqparat kózderine qaraǵanda mamyr aıynda ınternet qoldanýshylar sany 9,4 mıllıon adamdy qurady», - deıdi «Chocolife.me» kompanııasynyń qarjy dırektory Ánýar Bakıev. Onyń aıtýynsha, ınternetti paıdalanýshylardyń 25,02 paıyzy Almatyda, 8,30 paıyzy Astanada, 21,72 paızy Soltústik Qazaqstanda, 16,50 paıyzy Shyǵys Qazaqstanda, 14,86 paıyzy Batys Qazaqstanda, 13,60 paıyzy Ońtústik Qazaqstanda turady.
