Qazaqstanda mamyr merekeleri kúnderi jańbyr jaýyp, kún salqyndaıdy
ASTANA. KAZINFORM - 9–11 mamyr aralyǵynda Qazaqstannyń basym bóliginde kún qubylmaly bolady. Sınoptıkter jańbyr jaýyp, naızaǵaı oınaıtynyn boljap otyr.
9 mamyrda eldiń soltústigi, soltústik-batysy men ońtústik-batysynda nóser jańbyr jaýýy yqtımal. Al 10–11 mamyrda shyǵys, ońtústik jáne ońtústik-shyǵys óńirlerde jaýyn-shashyn jıi jaýady. Keı jerlerde burshaq túsip, ekpindi jel soǵýy múmkin.
Respýblıka boıynsha jel kúsheıedi. Ońtústik aımaqtarda shańdy daýyl turady. Túngi jáne tańǵy ýaqytta tuman túsedi.
Aldaǵy kúnderi aýa temperatýrasy birtindep tómendeıdi. 11 mamyrda eldiń soltústik jartysynda túnde 1–6 gradýsqa deıin úsik júrýi yqtımal.
Kúndiz batys óńirlerde aýa temperatýrasy 13–28 gradýs jyly bolady. Soltústik-batysta 10–18, soltústikte 5–13 gradýsqa deıin kóteriledi. Ortalyq pen shyǵysta 8–18 gradýs jyly. Ońtústikte 17–26, ońtústik-shyǵysta 15–22 gradýs bolady. Taýly aımaqtarda 8–13 gradýs jyly bolady.
Osyǵan deıin Almatyda eki kúnniń birinde aýa sapasy nasharlaıtyny týraly jazdyq.
