Qazaqstanda maldyń basy aıtarlyqtaı ósti

  ASTANA. QazAqparat - QR Aýyl sharýashylyǵy mınıstrligi elimizdegi tórt túliktiń ósýi kórsetkishterin jarııalady, dep xabarlaıdy QazAqparat tilshisi.

«Aǵymdaǵy jyldyń 1 qazanyna deıingi aralyqta ótken jyldyń dál osy kezeńimen salystyrǵanda maldyń barlyq túrleri boıynsha ósim baıqalady. Máselen, jylqy 7,7 paıyzǵa ósip, 2,4 mln basty qurady. Іri qara mal 4 paıyzǵa artyp, 7,1 mln-ǵa jetse, qoıdyń sany 15,8 mln-ǵa kóterildi. Sol sııaqty túıeniń de sany artyp otyr»,  - dedi mal sharýashalyǵy departamenti dırektory Azamat Saǵynbaev búgin Astanada ótken baspasóz máslıxatynda.

Departament basshysynyń aıtýynsha, et óndirý kólemi 700 myń tonnaǵa jýyqtady. «Al memlekettik sýbsıdııalarǵa keler bolsaq, respýblıkalyq jáne jergilikti bıýljetterden 58,8 mlrd teńge qarystyrylyp otyr. Sonyń 32,5 mlrd-y asyl tuqymdy mal sharýashylyǵyna bólinse, 26,3 mlrd teńgesi ónimdilikti arttyrýǵa arnalǵan», - dep atap kórsetti A.Saǵynbaev.