Qazaqstanda mal jaıylymy jetispeıdi - ǵalymdar
ASTANA. QazAqparat - Qazaqstandyq ǵalymdar eldegi mal jaıylymynyń jaı-kúıine alańdaýly, dep habarlaıdy QazAqparat tilshisi.
«Ókinishke oraı, sharýa óz malyn alysqa shyǵara almaıdy, óz turǵylyqty jerinen ári ketse 50 shaqyrym radıýsta jaıyp júredi. Saldarynan eldimekender mańyndaǵy óristik jerlerge úlken zaqym kelýde», - dedi A.I. Baraev atyndaǵy AShǴÓO» JShS egistik zerthanasynyń jetekshi ǵylymı qyzmetkeri Vıktor ıÝrchenko Ortalyq kommýnıkatsııalar qyzmetinde ótken baspasóz máslıhatynda.
A.I. Baraev atyndaǵy AShǴÓO» JShS egistik zerthanasynyń jetekshi ǵylymı qyzmetkeri Vıktor ıÝrchenko jaıylymdyq jerlerdiń tıimdi qoldanylmaıtynyn, oǵan kóptegen mal basynyń jeke qolda bolýy sebep ekenin basa aıtty.
«Jeke sharýashylyqtaǵy malǵa aýyl mańynan jaıylym jetispeı jatyr. Onda maldyń árbir basyna 2,5 gektardan keledi, al norma boıynsha árqaısysyna 8-10 gektar jer kerek. Demek, mal jaıylymdaryna normadan 2-3 ese artyq salmaq túsýde. Bul máseleni retteý kerek», - dep atap ótti V.ıÝrchenko.
Ǵalymnyń pikirinshe, Qazaqstanda shamamen 182 mln gektarǵa jýyq úlken jaıylym alqaby bar, 5 mln gektar shabyndyq jáne 2,5 mln gektar jer mal azyǵy daqyldary úshin qoldanylady. Áıtse de, eldimekender mańyndaǵy jaıylymdyq jerlerge eki-úsh ese artyq salmaq túsip otyr.
