Qazaqstanda mal sharýashylyǵyna jeńildetilgen nesıe beretin jańa baǵdarlama iske qosyldy
ASTANA. KAZINFORM — Qazaqstanda mal sharýashylyǵyn damytýǵa arnalǵan jeńildetilgen nesıeleýdiń jańa «Jaılaý» baǵdarlamasy iske qosyldy.
Aýyl sharýashylyǵy mınıstrliginiń habarlaýynsha, baǵdarlama 300 basqa deıingi iri qara mal nemese 1 000 basqa deıingi usaq mal ósirýge arnalǵan jańa mal sharýashylyǵy kásiporyndaryn qurýdy qoldaýǵa baǵyttalǵan.
Baǵdarlama sharttaryna sáıkes, nesıe boıynsha syıaqy mólsherlemesi jyldyq 6%-dan aspaıdy, al qarjylandyrý merzimi 10 jylǵa deıin belgilengen.
Qarjylandyrý kólemi:
-
iri qara mal ósirý jobalary úshin — 350 mln teńgege deıin;
-
usaq mal ósirý jobalary úshin — 200 mln teńgege deıin.
Baǵdarlamaǵa qatysty tolyq aqparatty jergilikti Agrarlyq nesıe korporatsııasynan nemese Áleýmettik kásipkerlik korporatsııasynan alýǵa bolady.
Eske salaıyq, buǵan deıin Premer-mınıstr asyl tuqymdy mal basyn satyp alý jumysyn jedeldetýdi tapsyrǵan edi.
