Qazaqstanda mal qorymdarynyń basym bóligi talapqa saı emes - G.Isaeva

ASTANA. QazAqparat - Qazaqstanda mal qorymdarynyń basym bóligi talapqa saı emes. Búgin Úkimettiń selektorlyq rejimdegi otyrysynda elimizdiń Aýyl sharýashylyǵy vıtse-mınıstri Gúlmıra Isaeva osylaı dep málimdedi.

«Mal qorymdaryn salý, kútip ustaý jáne jańǵyrtýmen ákimdikter aınalysýǵa mindetti. Bul maqsattarǵa jyl saıyn jergilikti bıýdjetten qarjy bólinedi. Máselen, esepteýlerge qaraǵanda 2005 jyldan beri 1,4 mlrd. teńgeden astam qarjy bólindi. Aǵymdaǵy jyly oblystar bul maqsattarǵa 188 mln. teńge qarastyryp otyr», - dedi vıtse-mıınstr.

Onyń aıtýynsha, respýblıkada 3298 mal qorymy bar.

«Tolyqtaı alǵanda, respýblıkadaǵy mal qorymdarynyń 77 paıyzy qarapaıym qurylystarǵa qoıylatyn talaptarǵa saı emes. Sondyqtan ákimdikter jergilikti bıýdjetten jyl saıyn qarjyny tolyq kólemde bólýi jáne mal qorymdaryn kútip ustaý jumystaryn júrgizýi, sonymen birge qarapaıym mal qorymdaryn jańǵyrtýy  qajet», - dedi G.Isaeva.