Qazaqstanda mal basy ósip keledi
«Ulttyq ekonomıka mınıstrliginiń baıandamasynda atalyp ótkendeı, osy jyldyń 5 aıynyń qorytyndysy boıynsha aýyl sharýashylyǵy jalpy óniminiń kólemi 2,2%-ǵa ulǵaıyp, 934,4 mlrd teńgeni qurady. Bul ósim mal sharýashylyǵyndaǵy ónim kóleminiń 2,3%-ǵa, onyń ishinde soıylatyn ettiń 3,5%-ǵa, súttiń 3,2%-ǵa ulǵaıýy esebinen qamtamasyz etildi», - dedi Saparhan Omarov Úkimet otyrysynda.
Onyń aıtýynsha, oblystar boıynsha respýblıkalyq qarqynnan joǵary kórsetkishke Jambyl, Qaraǵandy, Aqmola, Batys Qazaqstan, Aqtóbe, Soltústik Qazaqstan, Almaty jáne Túrkistan óńirleri qol jetkizgen.
«Sondaı-aq, iri qara mal sanynyń - 4,1%-ǵa, qoıdyń - 2,8%-ǵa, jylqynyń - 7,9%-ǵa, túıeniń - 4,4%-ǵa jáne shoshqanyń - 1,5%-ǵa óskeni baıqalady. Al ósimdik sharýashylyǵynda 2020 jylǵy kóktemgi dala jáne egis jumystaryn der kezinde júrgizý úshin barlyq qajetti sharalar qabyldandy. Búgingi kúni egis jumystary tolyǵymen aıaqtaldy», - dedi ol.
