Qazaqstanda maqta-mata óndirisi 3,4 ese ósti
ASTANA. KAZINFORM — Bıylǵy jyldyń qańtar-qyrkúıeginde Qazaqstanda maqta-mata óndirisi 4,47 mln sharshy metrge jetip, ótken jyldyń sáıkes kezeńimen salystyrǵanda 3,4 ese artty. Alaıda ishki naryqtaǵy ımport úlesi áli de joǵary – 88,5%. Bul týraly Ulttyq statıstıka bıýrosy málim etti.
Osylaısha, 2026 jyldyń toǵyz aıynda maqta-mata óndirisi 2025 jyldyń sáıkes kezeńimen salystyrǵanda 3,4 ese artty. Óndiristiń negizgi úlesi Almaty men Shymkent qalalaryna tıesili.
2026 jylǵy qańtar-tamyzda maqta-mata ımportynyń kólemi 30 626,7 myń sharshy metrdi nemese resýrstardyń jalpy kóleminiń 88,5%-yn qurady. Otandyq óndiristiń úlesi 11,5% boldy.
Іshki naryq ónimdi ótkizýdiń negizgi baǵyty bolyp otyr. 2026 jylǵy qańtar-tamyzda ónimdi ótkizý kólemi 34 362,7 myń sharshy metrge jetip, jalpy paıdalaný kóleminiń 99,2%-yn qurady. Eksport kólemi 287,5 myń sharshy metr boldy.
Buǵan deıin Qazaqstanda ónerkásip óniminiń kólemi 51,9 trln teńgege jetkenin jazdyq.
