Qazaqstanda makroprýdentsııalyq saıasatty iske asyrýǵa GaR úlgisin qoldaný josparlanýda

ALMATY. QazAqparat - Qazaqstan Respýblıkasynyń Qarjy naryǵyn retteý jáne damytý agenttigi qadaǵalap stress-testileýdi júrgizý úshin makroekonomıkalyq taldaý jáne boljaý quraldarynyń pılottyq jıyntyǵyn ázirledi, dep habarlaıdy QazAqparat tilshisi.

Halyqaralyq valıýta qorynyń ádisnamasy boıynsha ázirlengen Growth at Risk yqtımaldy úlgisi (GaR) negizgi qural bolyp tabylady.

Agenttiktiń baspasóz qyzmeti málim etkendeı, GaR úlgisi jańa ári ıkemdi qural, ol táýekel jaǵdaılarynda ІJÓ bolashaq ósýiniń yqtımaldy baǵytyn qurý úshin qoldanylady.

«Úlgi bank sektoryn qadaǵalap stress-testileýdiń strestik stsenarııiniń alǵysharttaryn ázirlegen kezde paıdalanylýy múmkin. Budan basqa, qural makroqarjylyq jaǵdaılardyń jaı-kúıin jáne berilgen ýaqyt aralyǵynda teris ósý yqtımaldylyǵyn baǵalaýǵa múmkindik beredi. Sonymen qatar, GaR bolashaq ósýdi bólýge boljaldy kúızelisterdiń áserin baǵalaý úshin túrli stsenarıılerdi qoldanýǵa múmkindik beredi»,- dedi baspasóz qyzmetinde.

Agenttik elimizdiń makroprýdentsııalyq saıasatyn iske asyrýǵa qoldaý kórsetý úshin GaR úlgisin qoldaný salasyn keńeıtý múmkindikterin zerdeleýdi josparlap otyr.