Qazaqstanda Lývr men Ermıtaj sııaqty mýzeıler paıda bolady- Mádenıet mınıstri

ASTANA. QazAqparat - Eldegi mýzeılerdiń jumys formaty ózgeredi. Bul týraly búgin Astanada Ortalyq kommýnıkatsııalar qyzmetinde ótken baspasóz máslıhatynda QR Mádenıet jáne sport mınıstri Arystanbek Muhamedıuly málim etti.

«Eldegi mýzeılerdiń jumys formaty ózgertiledi. QR Ulttyq mýzeıinde Qazaqstan halqy Assambleıasynyń zaly ashylady dep josparlanýda. Qazaqstan mýzeıleri tarıhı muramyzdy zamanaýı formatta nasıhattaý, ınterpretatsııalaý úshin sheteldiń Lývr, Ermıtaj, Vatıkan syndy mýzeılerdiń tájirıbesin eskere otyryp, ǵylymı mekemelerdiń, ýnıversıtetterdiń, muraǵattar, kitaphanalardyń ǵylymı almasýy júrgiziletin tirek ortalyǵyna aınalýy tıis», - dep atap ótti mınıstr.

«Ǵylymı-zertteý jumystary myna baǵyttar boıynsha damıdy: tarıh, arheologııa, restavratsııa, ónertaný, mádenı-aǵartý sharalary, syı-káde ındýstrııasy, qyzmet kórsetý jáne taǵy basqalary. Mádenıet saıasaty tujyrymdamasy boıynsha mádenıet salasyndaǵy menedjmentti ózgertý josparlanýda. Sala ekonomıka sektory retinde ońtaılandyrylady. Ekonomıkalyq belsendilikti arttyrý maqsatynda jetekshi mýzeıler men kitaphanalardyń ákimshilik-quqyqtyq formasy memlekettik mekemeden qazynalyq kásiporynǵa aýystyrylady», - dedi ol.