Qazaqstanda Lý Ban zerthanalary ashyldy
ASTANA. KAZINFORM — Prezıdent Qasym-Jomart Toqaev pen QHR Tóraǵasy Sı Tszınpınniń joǵary deńgeıdegi kelissózderinen keıin Qazaqstanda ekinshi jáne úshinshi Lý Ban zerthanalarynyń ashylý rásimi ótti.
Bul joba Lý Ban zerthanasynyń tájirıbesin taratý jónindegi Memleket basshysynyń tapsyrmasy aıasynda iske asyryldy. Ol ekonomıkanyń túrli sektory boıynsha tájirıbege baǵdarlanǵan oqytý men maman daıarlaýdy kózdeıdi.
Ekinshi zerthana L.N. Gýmılev atyndaǵy Eýrazııa ulttyq ýnıversıtetinde, al úshinshisi Almaty qalasyndaǵy Logıstıka jáne kólik akademııasynda ashyldy.
Lý Ban zerthanasy elimizde alǵash ret ınjenerlik-tehnıkalyq bilim berýdi damytýǵa arnalǵan alań retinde 2023 jyly D.Serikbaev atyndaǵy Shyǵys Qazaqstan tehnıkalyq ýnıversıtetinde qurylǵan bolatyn.
Aıta keteıik, búgin Memleket basshysy QHR Tóraǵasy Sı Tszınpınmen kelissóz júrgizdi.