Qazaqstanda LRT nysandaryna arnalǵan polıtsııa basqarmasy qurylady
ASTANA. KAZINFORM – Qazaqstan Іshki ister mınıstrliginiń qurylymynda LRT nysandaryna jaýap beretin arnaıy polıtsııa basqarmasy qurylady. Tıisti qaýlyǵa Premer-mınıstr Oljas Bektenov qol qoıdy.
Qujatqa sáıkes, jańa basqarma jeńil relsti kólik (LRT) nysandarynda qyzmet atqarady. Ol ІІM Kóliktegi polıtsııa departamentiniń quramyna kiredi.
Basqarma Іshki ister mınıstrligin ustaýǵa respýblıkalyq bıýdjetten qarastyrylǵan qarajat esebinen qarjylandyrylady.
Sondaı-aq jańa qurylym ІІM qaramaǵyndaǵy aýmaqtyq organdar men bólimshelerdiń tizimine engiziledi.
Úkimet qaýlysy 2027 jylǵy 1 qańtardan bastap kúshine enedi.
Aıta keteıik, Qazaqstanda kólik polıtsııasy kólik ınfraqurylymy nysandaryndaǵy qoǵamdyq tártip pen qaýipsizdikti qamtamasyz etedi.
Qazir kólik polıtsııasynyń qyzmetkerleri Astanadaǵy LRT jelisinde qyzmet atqaryp júr. Polıtseıler barlyq 18 stantsııada aýysymmen kezekshilik etedi. Tarlan Astana iske qosylǵaly beri LRT jelisinde úsh qylmystyq jáne 37 ákimshilik quqyq buzýshylyq tirkelgen.
Eske salaıyq, Almatyda da LRT jelisi salynyp jatyr. Ony 2027 jyly iske qosý josparlanǵan.
